Tunhma deuh atang tawh khan kan chhehvela hnam dangte hian Mizote min zuam sawt hle tiin kan sawi thin a; ngaihbel theih tur thil tam tak a thleng thin bawk. Tunhnaiah Chakma chungchangah boruak a awm thar deuh reng a, chutiang bawkin Tuikuk chungchangah thuthar a awm deuh reng bawk. Chutih mek lai chuan hmar lama Mizoram ramri chu Assam-in a rawn nêk hle niin kan hria a, MZP lamte pawhin vuak tuar khawpin an zu humhalh a nih kha. Kan chhehvela hnam chak lo zawka kan ngaih leh, kan pi leh puten an ngam thin zawkten kan ram an rawn luah a, Mizo mipuite chungah harsatna an thlen an thlen ta mai hi Bible hlimthla atangin i'n thlir dawn teh ang.
I. Israelte hnena Pathian thupêk
Israelte Kanaan rama an luh dawn khan Pathian chuan hnam dang awmte chu hnawt chhuak vek turin a ti a (Ro. 2:2-3), anni nena thù thlung lo tur te, inneih pawlh lo turtein a hrilh a (Ex. 34:12-13; Deut. 7:2-5), mahse Pathian thu an zâwm famkim ta lo. Bokim khuaah LALPA vantirhkoh a inlar a, chu chuan an chhehvela hnam dangte chu Pathianin a hnawh chhuahsak dawn tawh lo tih a hrilh a, 'In nâka hlîng ang an ni zawk ang' tiin a hrilh a ni (Ro. 2:3). Heng hnam dang, an hnawh chhuah loh leh an chimih lohte hi a hnu zelah Israelte tan chuan thang leh hlîng an ni hle a, Pathian an hawisanna chhan tam tak pawh a ni.
1. Israelten Pathian an hawisan
Vantirhkohin a hrilh ang chiahin thil a thleng chho ta. Israelten Pathian duh loh zawng an tih apiangin Pathianin hnam dang kutah a pe a, Israel mi, Pathian hnam thlante chu an that teuh teuh thin a ni. 'Israelte chuan LALPA mit hmuhin thil sual an lo ti ta a' (Ro. 3:7,12; 4:1; 6:1; 10:6 etc) tih a nih apiangin Pathianin a hawisan thu kan hmu a, hnam dang kutah a pe a ni. Hnam thlan, hnam thianghlim ni tura a thlan chhuahte (Deut. 7:6) chu an hnawh chhuah tak loh, thu an thlunpui hnam dangte chuan an tiduhdah a, an rapbet thin a ni. Pathian an lam a, Pathian lam an hawiin Pathian chuan chhan chhuaktu tur hruaitu a pe a, chung mite chu Roreltute tiin kan sawi a ni.
Hruaitu tha awm lohna hmunah chuan mipuite an kal dik rei thei lo a, an chênpui leh an chhehvela hnam dangte tih dan tha lo chu an la chhawng thuai zel thin. Mipuite hian hruaitu tha an mamawh a, hruaitu tha an awm chuan kawng dik an zawh mai thin.
2. Lalten Pathian an hawisanna leh hremna
Israelten lal an neih hnuah an ram kalsiam leh dinhmun chu an lalte kutah an innghat thui ta hle. Davidan Israel ram a tinghet a, a pa beih hahna leh Pathian tihna zarah Solomonan ropui takin ro a rel a; Solomona nawmchenna avangin a thih hnuah Israel ram chu ram pahnihah then a ni ta a ni.
Hmar lam, Israel lam chuan Pathian Jehova an kalsan a, chumi rah chhuah chu lalna inchuh avangin anmahni leh anmahni an inphiar ru a, tâm leh khawkhêng hmangin Pathianin a hrem thûl, an harh chhuak chuang lo. An depa hnam, Davida leh Solomona hunlaia an awp hnuaia awm thin Suria chu Pathianin a tungding a, an indoin an innghirngho reng a, a châng leh Moab ram, Israelte aia tlem leh chak lo zawk thin chu Pathianin a tungding a, an beih tâwk an tling em em reng mai a ni.
Chhim lam, Juda ram lam pawh an lalten Pathian an hawisan a, Pathian duh loh anga ro an rel chuan an chhehvela hnam chak lo zawk, tunhmaa an awp hnuaia awm thin, an chhiah khua ni thinte chu Pathianin a tichak a. Edom te, Amon te, Moab te pawh Pathianin a tilian a, an hmelmaah a siam thin a ni. Lalten Pathian duh dana ro an rel a, dik taka an tih a, mipui an ngaihsak a, Pathian duh loh thil tihbo tuma hma an lak chuan an hmuingil a, an ramah ralmuanna a awm thin a ni.
II. Mizorama hnam dang
Mizoramah Lusei nawlpui an luh hi chuan hnam dang an awm mang lo a, Chakmate pawh hriat tur an awm lo thin. British-in min awp hnuah Chakmate hi khawthlang lamah an lo lang tan a, Mizoram a buai hnu atangin an rawn pêm lut nasa ta a ni. Tuikuk pawh hi tlêm tê tê chu tunhma chuan an awm thin mah na. Israelte nena kan inan lohna lai chu Israelte chuan hnam dang ram an va chhuhsak a, Mizoram chu Mizo hnahthlakten kan luah lum fel hnuah hnam dang an rawn lut a ni.
Chûng hnam dang, tunhnaia Mizorama rawn lût leh awmte chu tunah chuan an lo langsar ta hle a, kawng thenkhatah chuan Mizoten kan tluk lo ta fo mai. Chu mai bakah Mizote laka an chêt ngam dan hi a mawi lo ta hle a, Mizote min zuam sawt viauin a lang. Keini aia tlêm leh chak lo zawka kan ngaihte hetianga hma an sawn a, Mizote tana hnawksak anga an lan tan tak chhanah hian Thuthlung Hlui hlimthla atanga thlir hian kan tidik lo zawk niin a ngaih theih ta viau mai.
Hetianga hnam dangte an lo len tâkna chhanah hian kan ram hruaitute rorel dik loh vang hi a ni thei mai ang em? Israel lalten Pathian an hawisan apiangin Pathian an chhehvela an hnam aia chak lo thin a tichak ang hian, heng kan chhehvela hnamte hi Pathian duh loh dan kan tih apiangin Pathianin a tichak ve thin angin a ngaih theih tlat mai. Hetianga hnam dangten phût sang tak an neih ngam a, min beih min beih ngamna chhanah hian kan Pathian kan hawisan a ni thei mai ang em? tih te hi chhut tham a awm ve hian ka hre deuh a! Kan nâka hlîng ni tura Pathian min pek an ni thei mai ang em?
Hei bakah hian Roreltute hunlai atang tawha Bible-a lang chiang tak chu Pathian tihtu hruaitu tha an awm loh chuan an ramah milem biakna a pung a, Pathian duh loh zawng tihna a punlun thin. Mizoramah hian zu leh ruihhlo hmansualna te, duhâmna (milem biakna - Kol. 3:5) te a pung nasa em em a, hei hi eng vang nge ni ang? Kan ram hruaitute hi an that tâwk loh vang a ni thei ang em? Nge, khawvel kalphung pangngai ve reng zawk ni ang?
III. Gerim - hnam dang
Chakma leh Tuikuk kan tihte hi Bible tawngkam tak chuan 'Gerim' an ni. Bible hian Gerim dinhmun hi a dah hnuaihnung lem lo; Israelten an nawm an mâka an tih turah a dah lo a, chanvo a neihtir thlap a ni.
Deut. 10:18-ah chuan 'Ram dang mite (gerim) chu ei tur leh silhfente pein a hmangaih thin' tiin Pathian nihna tarlan a ni. Heta 'ram dang mite' a tih hi Gerim a ni a, a awmzia chu Israelte bula chêng ve, a ram leilung fa ni lote sawina a ni. Lev. 19:33-34-ah chuan, "Tin, ram dang mi, in rama khawsa ve an awm chuan in tichhe tur a ni lo. Ram dang mi in zinga khawsate chu in tan in rama mi reng ang an ni tur a ni a, nangmah i inhmangaih angin i hmangaih tur a ni," a ti. Rorelnaah thlei bik an ni tur a ni lo a (Deut. 1:16), Israelte ang bawkin thil sual tih chungchangah pawh inhumhimna khua an chang ve vek a ni (Num. 35:15). Chutihrualin heng hnam dangte hian Israelte chunga Pathianin tih tur leh tih loh tur a tihte chu an zâwm ve ngei tur a ni (Lev. 18:26). Chuvang chuan kan chhehvela hnam dangte hi kan tichhe tur a ni lo a, kan rapbet tur a ni lo. Chutihrual chuan dân an zâwm ve tur a ni a, thupek an awih ve tur a ni ang.
I. Israelte hnena Pathian thupêk
Israelte Kanaan rama an luh dawn khan Pathian chuan hnam dang awmte chu hnawt chhuak vek turin a ti a (Ro. 2:2-3), anni nena thù thlung lo tur te, inneih pawlh lo turtein a hrilh a (Ex. 34:12-13; Deut. 7:2-5), mahse Pathian thu an zâwm famkim ta lo. Bokim khuaah LALPA vantirhkoh a inlar a, chu chuan an chhehvela hnam dangte chu Pathianin a hnawh chhuahsak dawn tawh lo tih a hrilh a, 'In nâka hlîng ang an ni zawk ang' tiin a hrilh a ni (Ro. 2:3). Heng hnam dang, an hnawh chhuah loh leh an chimih lohte hi a hnu zelah Israelte tan chuan thang leh hlîng an ni hle a, Pathian an hawisanna chhan tam tak pawh a ni.
1. Israelten Pathian an hawisan
Vantirhkohin a hrilh ang chiahin thil a thleng chho ta. Israelten Pathian duh loh zawng an tih apiangin Pathianin hnam dang kutah a pe a, Israel mi, Pathian hnam thlante chu an that teuh teuh thin a ni. 'Israelte chuan LALPA mit hmuhin thil sual an lo ti ta a' (Ro. 3:7,12; 4:1; 6:1; 10:6 etc) tih a nih apiangin Pathianin a hawisan thu kan hmu a, hnam dang kutah a pe a ni. Hnam thlan, hnam thianghlim ni tura a thlan chhuahte (Deut. 7:6) chu an hnawh chhuah tak loh, thu an thlunpui hnam dangte chuan an tiduhdah a, an rapbet thin a ni. Pathian an lam a, Pathian lam an hawiin Pathian chuan chhan chhuaktu tur hruaitu a pe a, chung mite chu Roreltute tiin kan sawi a ni.
Hruaitu tha awm lohna hmunah chuan mipuite an kal dik rei thei lo a, an chênpui leh an chhehvela hnam dangte tih dan tha lo chu an la chhawng thuai zel thin. Mipuite hian hruaitu tha an mamawh a, hruaitu tha an awm chuan kawng dik an zawh mai thin.
2. Lalten Pathian an hawisanna leh hremna
Israelten lal an neih hnuah an ram kalsiam leh dinhmun chu an lalte kutah an innghat thui ta hle. Davidan Israel ram a tinghet a, a pa beih hahna leh Pathian tihna zarah Solomonan ropui takin ro a rel a; Solomona nawmchenna avangin a thih hnuah Israel ram chu ram pahnihah then a ni ta a ni.
Hmar lam, Israel lam chuan Pathian Jehova an kalsan a, chumi rah chhuah chu lalna inchuh avangin anmahni leh anmahni an inphiar ru a, tâm leh khawkhêng hmangin Pathianin a hrem thûl, an harh chhuak chuang lo. An depa hnam, Davida leh Solomona hunlaia an awp hnuaia awm thin Suria chu Pathianin a tungding a, an indoin an innghirngho reng a, a châng leh Moab ram, Israelte aia tlem leh chak lo zawk thin chu Pathianin a tungding a, an beih tâwk an tling em em reng mai a ni.
Chhim lam, Juda ram lam pawh an lalten Pathian an hawisan a, Pathian duh loh anga ro an rel chuan an chhehvela hnam chak lo zawk, tunhmaa an awp hnuaia awm thin, an chhiah khua ni thinte chu Pathianin a tichak a. Edom te, Amon te, Moab te pawh Pathianin a tilian a, an hmelmaah a siam thin a ni. Lalten Pathian duh dana ro an rel a, dik taka an tih a, mipui an ngaihsak a, Pathian duh loh thil tihbo tuma hma an lak chuan an hmuingil a, an ramah ralmuanna a awm thin a ni.
II. Mizorama hnam dang
Mizoramah Lusei nawlpui an luh hi chuan hnam dang an awm mang lo a, Chakmate pawh hriat tur an awm lo thin. British-in min awp hnuah Chakmate hi khawthlang lamah an lo lang tan a, Mizoram a buai hnu atangin an rawn pêm lut nasa ta a ni. Tuikuk pawh hi tlêm tê tê chu tunhma chuan an awm thin mah na. Israelte nena kan inan lohna lai chu Israelte chuan hnam dang ram an va chhuhsak a, Mizoram chu Mizo hnahthlakten kan luah lum fel hnuah hnam dang an rawn lut a ni.
Chûng hnam dang, tunhnaia Mizorama rawn lût leh awmte chu tunah chuan an lo langsar ta hle a, kawng thenkhatah chuan Mizoten kan tluk lo ta fo mai. Chu mai bakah Mizote laka an chêt ngam dan hi a mawi lo ta hle a, Mizote min zuam sawt viauin a lang. Keini aia tlêm leh chak lo zawka kan ngaihte hetianga hma an sawn a, Mizote tana hnawksak anga an lan tan tak chhanah hian Thuthlung Hlui hlimthla atanga thlir hian kan tidik lo zawk niin a ngaih theih ta viau mai.
Hetianga hnam dangte an lo len tâkna chhanah hian kan ram hruaitute rorel dik loh vang hi a ni thei mai ang em? Israel lalten Pathian an hawisan apiangin Pathian an chhehvela an hnam aia chak lo thin a tichak ang hian, heng kan chhehvela hnamte hi Pathian duh loh dan kan tih apiangin Pathianin a tichak ve thin angin a ngaih theih tlat mai. Hetianga hnam dangten phût sang tak an neih ngam a, min beih min beih ngamna chhanah hian kan Pathian kan hawisan a ni thei mai ang em? tih te hi chhut tham a awm ve hian ka hre deuh a! Kan nâka hlîng ni tura Pathian min pek an ni thei mai ang em?
Hei bakah hian Roreltute hunlai atang tawha Bible-a lang chiang tak chu Pathian tihtu hruaitu tha an awm loh chuan an ramah milem biakna a pung a, Pathian duh loh zawng tihna a punlun thin. Mizoramah hian zu leh ruihhlo hmansualna te, duhâmna (milem biakna - Kol. 3:5) te a pung nasa em em a, hei hi eng vang nge ni ang? Kan ram hruaitute hi an that tâwk loh vang a ni thei ang em? Nge, khawvel kalphung pangngai ve reng zawk ni ang?
III. Gerim - hnam dang
Chakma leh Tuikuk kan tihte hi Bible tawngkam tak chuan 'Gerim' an ni. Bible hian Gerim dinhmun hi a dah hnuaihnung lem lo; Israelten an nawm an mâka an tih turah a dah lo a, chanvo a neihtir thlap a ni.
Deut. 10:18-ah chuan 'Ram dang mite (gerim) chu ei tur leh silhfente pein a hmangaih thin' tiin Pathian nihna tarlan a ni. Heta 'ram dang mite' a tih hi Gerim a ni a, a awmzia chu Israelte bula chêng ve, a ram leilung fa ni lote sawina a ni. Lev. 19:33-34-ah chuan, "Tin, ram dang mi, in rama khawsa ve an awm chuan in tichhe tur a ni lo. Ram dang mi in zinga khawsate chu in tan in rama mi reng ang an ni tur a ni a, nangmah i inhmangaih angin i hmangaih tur a ni," a ti. Rorelnaah thlei bik an ni tur a ni lo a (Deut. 1:16), Israelte ang bawkin thil sual tih chungchangah pawh inhumhimna khua an chang ve vek a ni (Num. 35:15). Chutihrualin heng hnam dangte hian Israelte chunga Pathianin tih tur leh tih loh tur a tihte chu an zâwm ve ngei tur a ni (Lev. 18:26). Chuvang chuan kan chhehvela hnam dangte hi kan tichhe tur a ni lo a, kan rapbet tur a ni lo. Chutihrual chuan dân an zâwm ve tur a ni a, thupek an awih ve tur a ni ang.
