Logos
Dr. PC Lalnghakthuami
Mizo Kristiante zingah Greek thumal Logos tih hi a mikhual lo hle a. Pathian thuchah puan chhuahnaah pawh hian Mizo tawng tluk deuh thawa hman rim a ni a. Chuvangin he thu hi a awmzia thuk zawka zir leh belhchian a pawimawhin, Johana lehkhathawna hman a nih dan hi zir bing a tul viau mai. Thuthlung Thar bute hi kum zabi khatna bawr vela ziah an ni a. An hunlai khawvel finna leh thil thlir dante, an Pathian thu thluk dante pawh an hun laia sakhaw dangten Pathian thu an ngaihdan leh pawm dan nen inzulna thui tak chhui tham a awm a. An hun laia mite hriat thiam theih dan tura Isua an sawifiah pawhin an hun laia mite hriat thiam theih dan tur leh an lo hriat sa - finna thu leh thuril tak tak an hriat than em emte kha an hmang thiam tlat mai a. Isua hre lem lo pawhin chung hmanga Isua chanchin sawi a nih chuan Isua kha mikhual lo tak niin an thusawi kha an pawm thiam hle a ni. Chung zingah chuan Isua sawifiah nana thu lar tak chu Logos hi a ni.
Greek Logos
Logos chu engtihna nge ni ta ang? Greek tawng thumal Logos chu ‘Thu’ tia lehlin a ni. Thu satliah leh thu mai mai sawina ni lovin he ‘thu’ hi Johana’n a hman hian a timihring ta daih mai a. Hmuh theih loh leh khawih theih lo ni mah se thu maia sawi thin (metaphysical/abstract) chu Lal Isua - Thu - chu Tisaa a lo chan sawifiah nan Chanchin Tha Johana ziakah kan hmu ta a ni.Greek philosophy-a Logos kan hmuh dan hi tlem tarlang ila. James D.G. Dunn-a chuan a lehkhabu Christology in the Making-ah chuan heti hian a ziak a. “Greek philosopher Heraclitus-a thu leh hlaah leh Stoic philosophy-ah Logos chungchang ziahna hi hmuh hmasak a ni a. Chutah chuan Logos chu khawvel kalphung dan (cosmic law) leh khawvel chunga roreltu a ni a, mahse mihringte ngaihtuahna leh finna kaihhruaitu ni bawk si a ni.” He Greek philosophy-a a lan dan chuan Logos chu hmuh theih loh leh khawih theih loh (abstract), ngaihtuahna ril tak lam a kawk a ni.
Stoic ho emaw Stoicism emaw hi Zeno-a (340 - 265 BCE) hmuh chhuah a ni a. An zirtirnaah chuan Logos hi tisa khawvela awmze ril tak nei niin an sawifiah. Pathian chungchang ngaihtuahna hi Pathian chu a ni mai a, chubaka chungnung engmah awm theiah an ngai lo. Logos hi chi hnihin an thliar hrang a: pakhatna chu ngaihtuahna sawichhuah loh emaw ngaihtuahna rilrua awm; pahnihna chu ngaihtuahna puan chhuah emaw tawngkama ngaihtuahna sawichhuah. Ngaihtuahna leh ngaihtuahna tawngkama sawichhuah inzawm tlatna chu Pathian thu ngaihtuahna ril tak leh khawvela thil ngaihtuahna dan hrang hrang awm thinte nen chuan khaikhinin inzawmna ril tak neiin an ngai tlat a ni.
Philo-a leh Bultmann
Plato-a philosophy atanga thil tam tak zirtu leh a ngaihdan tawmpuitu Greek philosopher ropui tak Philo-a chuan kan chenna khawvel hi a tak tak a ni lova, chatuan khawvel chu kan ngaihdanah emaw suangtuahnaah emawah a awm niin a ngai. Mihringa hriatna awm hian chu chu a pawh thei a, ngaihtuahna hian a hre thei a ni. Tichuan he khawvel hi a tak hlim thla leh famkimna khawvel lak chhawn mai a ni tiin a pawm bawk. Amaherawh chu a philosophy hi Plato-a zirtirna leh Pathian pakhat a awm tih ringtu Juda sakhua nena infinkhawm a ni thung. Ani pawhin Logos chungchang a ngaihdan hetiang hian a sawi lang bawk: Logos chu minung pakhat (real being) leh rinchhan nei lova nung, mahse Pathian laka hrang ni bawk si niin a ngai. Greek philosophy-a innghat mihringte hi Pathian them kan ni tih rinna atangin Philo-a hian chu logos - mihring rilrua awm tlat, tawngkaa sawi chhuah chu logos Pathiana bet tlat nen lak hran turah a ngai lo. Pathian leh mihringa logos awm ve ve chu inang lo mah se then hran theih a ni lo, inzawm tlat a ni. A ngaihdanah chuan Pathian hi mihringten kan hre thei tak tak lo. Mahse mihring leh Pathian inkara inzawmna palai hna thawktu erawh chu Logos hi a ni thung a ni. He ngaihdan hian thui tak chu a hunlaia mite a hneh a, zuitu pawh a ngah hle a ni.Thuthlung Thar mithiam Bultmann-a’n Logos chungchang hi Gnostic ho zirtirna atangin thui tak chhui chianna a nei a. Cullmann-a lehkhabu The Christology of the New Testament-ah phei chuan chiang leh zuala Bultmann-a thu zir hi kan hmu nghe nghe a. Gnostic-te emaw Gnosticism (gnosis – knowledge) te hian chhandamna chu hriatnaa innghat niin an ring. An inzirtirnaah chuan Logos hi Pathian leh mihring inkara palai hna thawktu a ni a. Khawvel siamtu chauh a ni lova puang chhuaktu leh tlantu a ni bawk a ni. Chu mai ni lovin Logos chu hun rei lote chhung mihringa lo chang zawk ni mah se mihring tisa erawh pu lo niin an ring bawk. Mihringte chhandamna hna thawka van atanga khawvela lo chhuk leh vana lawn leh ta kha he logos hi niin an ring bawk a ni.
Logos leh Finna
Greek ho sakhua leh nunin a chiah piah Juda hote khan logos hi Finna (sophia) nen thuk taka inzawmah an ngai. Joba 28:20ff.-ah chuan “A nih, finna chu khawi ata nge? Hriatna awmna hmun chu khawiah nge? Thinlung zawng zawng mit lakah thup a ni a, Chungleng savate lakah khar tlat a ni...” tih kan hmu. He finna hi mihringte ban phak lova awm leh an zawn chhuah theih loh a ni. Mahse Pathianin a zawng chhuak a, khawvel siamna hmanruaah a hmang ta zawk a. Hetah hian finna chu thil siam hmaa lo awm tawh Pathian laka hrang si a ni. Thufingte-ah finna chungchang tam tak ziah chhuah a ni leh a. Joba bu nen khaikhin chuan ngaihdan inang lo zeuh zeuh hmuh tur a awm. Thufingte 8: 1 – 21-ah chuan Finna chu Pathian inpuanna hmanrua leh amah chu Pathian siam niin thil siam dang zawng zawng awm hmaa awm a ni thung. Pathianin khawvel a siam lai pawhin a bulah a awm a, mahse ani chuan thilsiamah hnuhma a nei lo thung. Finna chu Thufing buah hian dah mihrin a ni viau va, thu maiah chuan dah a ni. Chu ngaihdan chu nasa leh zuala sawifiah a ni chho ta zel bawk a. Finna chu au chhuakin Pathian atanga lo chhuak a nih thu leh thil siam dangte awm hma pawha awm tawh a nih thu a puang a. Khawvel zawng zawng hi a finna chuan a luah khat a, khawvela mihringte bulah chuan hahchawlhna a zawng a. Pathian inpuannaa chhandamtu a ni bawk aIsua Krista - Logos
Isua Krista chu thilsiam awm hmaa awm tawh, khawvel roreltu leh Pathian inpuanna a ni tih sawifiah nan leh hrilhfiah nan he finna (sophia) hi hman a lo ni ta a ni. Hetiang bawh hian Chanchin Tha Johana ziak thuhmahruaia kan en hian Logos chu Isua sawi nana hman a ni a. A hun laia khawvel finna leh sakhaw thil thlir dan chu nasa tak tawmpuiin, chu khawvel finna hmang chuan Isua hi tunge a ni tih hrilhfiah Johana hian a tum ta a ni.Lal Isua nihna sawi nan Logos hi hmun hnihah Johana ziakah hian kan hmu a. Kohhran pa Ignatius of Antioch-in a ziak leh tih lovah chuan Logos leh Isua khaikhinna thuziak hmuh tur a vang hle. Amaherawh chu Isua hi Logos a ni tia Johanan a sawi hian Isua thih hnu kum eng emaw zatah chauh hetiang hian sawi chhuah a ni a. Greek sakhua finna chuan Johana hi a hneh hle-in a hunlai mite, a bik takin kum zabi hnihna leh thumna thleng khan Juda mite chuan an chhawr tangkai hle bawk a ni. Chuvangin Greek finnain Palestinia ram pum a fan chhuah avangin a tu a te tan mah hriatthiam loh tur a awm lova, Johanan logos chu Isua a ni, a tih pawh hian an tan thu thar teh chiam a ni awm love.
Johana hian logos hi ‘thu sawi chhuah’ emaw ‘thu puan chhuah’ emaw niin a thu ziakah hian a tarlang a. Thu, benga miin a hriat sawi nan pawh a hmang bawk. Mahse logos hi Isua nena a hmehbel erawh chuan awmze hrang daihin a sawi thung a. Thu (logos), Isua puan chhuah hi Pathian chatuana a inpuanna leh mihringin rinnaa dawn sawn tur a nih thu hi Johanan sawi lan a tum chu a ni. Chu Thu puan chhuah a chu a takin Isua tisaa a lo channaah hmuh theihin a awm ta a. Isua nun pumpui hi Pathian thutak inpuanna a ni tih kha a thu chah laimu chu a ni. Pathian thu leh Lal Isua pawhin a puan chhuah thu (logos) hi thu inang, mahse Isua hi chu thu chu niin mihringah a takin a lo lang ta a ni (Jn. 14:6).
Tichuan, Thu (logos) chu tisaah lo changin mihringte chhandamtu a ni. Hei ngei hi Pathian inpuanna laimu chu a ni a. Hei hi Pathian thiltih a ni bawk a. Chu Pathian inpuanna ropui tak chu a takin Kristaah a lo lang ta a ni. Pathian thu Isuan a puan chhuah hi a takin a nunpui a, chuvangin amah ngei hi Pathian thu chu a ni.
____________________________________________________________________________________
Krista Thawhlehna
Upa Dr P.C. Biaksiama
Kristiante thurin laimu leh a innghahna pui berte zinga mi chu thihna hneh a, ropui taka Krista thawhlehna hi a ni. Chumi ni lo se, kan rin hi engmah lo mai a ni dawn si a (1 Kor. 15:14). He thu pawimawh tak atang hian Thuthlung Thar Kohhran hi a lo piang chhuak a ni. Hei vang tak hian hmelma pa Diabola chuan Isua hi a tho leh lo, tiin hmasang atangin mi tam tak hnenah zirtirna dik lo a lo vawrh chhuahtir tawh thin.
Muslim-ho chuan Isua kha an khengbet lo, a zirtir tu emaw kha Isua emaw tiin an khengbet a ni. Amah kha chu Kashmir-ah a tlân bo va, thih thlengin a awm hlen alawm tiin, tun thlengin Srinagar khawpuiah hian Isua thlân an la nei ve reng. Palestina rama hmasang thawnthu pakhat chuan Isua kha Mari Magdalini nen inneiin France ramah an tlân bo va, an thlahte pawh tun thlengin France ram chhim lamah an la awm, an ti a. Chu thawnthu chu tun hnaia DaVinci Code thawnthu leh film innghahna a ni. A thlân kawngka lung lianpuiin an chhin phui vek hnu a, sipaiten an veng tlat chung pawha ropui taka Pain a kaihthawh hmutute ngeiin hotute hnena an report chung pawhin, khatih laia puithiam lalte chuan, 'a zirtirten an rubo’ tiin thamna pawisa nena sawibo dân an zawng tan nghal a nih kha.
Tholeh Krista
Hetiang hian khawvelin mitthi zing ata Krista thawhlehna hi vawiin thlenga a la hnial zel lai hian, ringtute nuna thusawitu ber a la ni a, mi beidawngte tana beiseina nung min petu a ni. An Lalpa thih avanga beiseina bo tawh, an lêndenna lama kir leh ta zirtir hote pawh kha he thawhlehna avang hian nun tharin an lo nung ta a; a tâwp ta emaw an tih atangin nun bul – thilsiam thar a intan a ni si a.
Chuvangin, tholeh Krista nun thar tawmpuitute leh la tawmpui ve lo – an nuna Krista thawhlehna la chang ve lote hi kristiante zingah hian kan inpawlh ta nuk mai a ni. Khawvelin chu chu a hriat thiam si loh avangin a do ta mai a; ringtu zinga thlarauva thawhlehna la chang ve loten a chang tawhte awmdân hrethiam lovin an do fek fek reng bawk a. Doral lian karah tholeh Krista nun tawmpuitute kan nung a ni tih hi, he Easter Sunday lo thlen hian i hre thar leh ang u.
Chuvangin, tholeh Krista nun thar tawmpuitute leh la tawmpui ve lo – an nuna Krista thawhlehna la chang ve lote hi kristiante zingah hian kan inpawlh ta nuk mai a ni. Khawvelin chu chu a hriat thiam si loh avangin a do ta mai a; ringtu zinga thlarauva thawhlehna la chang ve loten a chang tawhte awmdân hrethiam lovin an do fek fek reng bawk a. Doral lian karah tholeh Krista nun tawmpuitute kan nung a ni tih hi, he Easter Sunday lo thlen hian i hre thar leh ang u.
Tholeh Taksa
Mi an thih hian an taksa chu tawihral tura leia phum a nih laiin, ringtu thlarau chu Lalpa hnenah vanah a kal a, ring lotu (piangthar lo) thlarau erawh chu hremhmunah a kal nghal tih hi Bible-in fiah takin a sawi. Chuti ni si taksa thawhlehna kan sawi hran leh si hi engnge a awmzia?
Tunah hian Kristaa muhil tawhte chu Lalpa hnenah vanah an awm a; mahse thlarauvin an awm a, thlarau lam taksa – thawhlehna taksa pek an nih rih loh avangin tihfamkimin an la awm lo a ni (Heb. 11:39-40). Krista thawhleh anga thlarau mai ni lo, taksa nena tho leh tur kan nih avangin, taksa hi a hranpain a tho leh dawn a; chu tholeh taksa chu a neitu mihring thlarauvin a luah leh hunah ‘tihfamkim’ a awmin, tawih thei lo, thi thei lo - chatuan daih a ni tawh ang.
Ring lo miten thawhlehna an chan ve dan tur chu, chatuan meidila tuar tura thawhlehna a ni (Dan. 12:2; Joh. 5:28-29; Thup. 20:11-15). Khawvel tâwp dawna thawhlehna lo awm hun tur chungchanga Bible zirtirna hi a fiah tawk hle (1 Thess. 4:13-18; 1 Kor. 15:51-54 etc.). Thawhlehnaah hian, nang, hremna tuar tura kaihthawh tur nge i nih, ropuinaa lût tura kaihthawh, tih hi lo inchingfel ang che.
Tunah hian Kristaa muhil tawhte chu Lalpa hnenah vanah an awm a; mahse thlarauvin an awm a, thlarau lam taksa – thawhlehna taksa pek an nih rih loh avangin tihfamkimin an la awm lo a ni (Heb. 11:39-40). Krista thawhleh anga thlarau mai ni lo, taksa nena tho leh tur kan nih avangin, taksa hi a hranpain a tho leh dawn a; chu tholeh taksa chu a neitu mihring thlarauvin a luah leh hunah ‘tihfamkim’ a awmin, tawih thei lo, thi thei lo - chatuan daih a ni tawh ang.
Ring lo miten thawhlehna an chan ve dan tur chu, chatuan meidila tuar tura thawhlehna a ni (Dan. 12:2; Joh. 5:28-29; Thup. 20:11-15). Khawvel tâwp dawna thawhlehna lo awm hun tur chungchanga Bible zirtirna hi a fiah tawk hle (1 Thess. 4:13-18; 1 Kor. 15:51-54 etc.). Thawhlehnaah hian, nang, hremna tuar tura kaihthawh tur nge i nih, ropuinaa lût tura kaihthawh, tih hi lo inchingfel ang che.
Lalpa thlân ruaka ka luh ni kha!
Mohammed-a te, Buddha te leh khawvel sakhaw hmuchhuaktute chu tho lovin tunah hian an la mu thup mai a; kan Lalpa Isua erawh chu thihnain a chelh hlen rual loh a nih avangin ni thum leh zan thum a zâlna thlân chu thawhsanin, thlân ruak min hnutchhiah a. Chu thlân ruak - Jerusalem kulh pâwna ‘Garden Tomb’ an tih chu he leilunga hmun thianghlim ber pakhat a tling a, chhak leh thlang, chhim leh hmara ringtu sang tam takin zah takin nitin an tlawh huai huai reng a ni.
Kei pawh December 6, 2008 khan chu thlan thianghlimah chuan ka lût ve a, kawngka chhûng lamah chuan saptawngin, “He is not here, for He is risen’ (Hetah a awm tawh lo, a tho leh ta) tih hi a chuang a. Lung sakhat kerkuak, ft. 8 bial vela zau, a chung ft. 6’30” emaw a sáng (ka teh lo), Isua zâlna lam chu hmuh theihin, thir palin an ping dang a. Kan Lalpa zâlna hmun ka han lût ve thei mai chu mak ka ti a, ka lawm a, ka lung a chhia a, bang lam hawi zawngte chuan ka tap a. Ka sual tlan tura Kraws lera thi Pathian Fapa ruang an zalhna thlân ruak chhûngah ka lût a, kut ngeia ka han zût kual vel thei ta mai chu ropui ka ti em em a. Khawvel a boral hunah pawh hei hi chu kan Lalpa min tuarsakzia hriatreng nan him taka vana lak chhoh tlak hial niin ka hria. Krista thawhlehzia finfiahna hmuh theiha lo la awm reng mai hian Bible-in Pathian thu a zirtir dang zawng pawh rintlak, zawm tlak leh innghahna tlak a nihzia te, hmu lova ringtu nih hlawkzia min tihngheh sak a ni.
____________________________________________________________________________________
Manna chu Israel faten Aigupta chhuahsana Kanaan ram an panna kawng, thlalera riltama an vahlaia Pathianin chaw danglam tak a pek a ni (Ex. 16:14ff.). Manna chu Israel faten thlalera an vah chhung, kum sawmli chhung zet an ei a. Chhang/chaw tui tak, hne theih loh a ni ngei ang, chat lak hauh lova a thlawn liau liauva kum sawmli chhung teh meuh an dawn kha a ni. Manna chungchângah khan zir chhuah tur tam tak a inphum teuh mai a. Chung zinga tlem te chu la chhuakin zirho kan tum dawn nia.
Kei pawh December 6, 2008 khan chu thlan thianghlimah chuan ka lût ve a, kawngka chhûng lamah chuan saptawngin, “He is not here, for He is risen’ (Hetah a awm tawh lo, a tho leh ta) tih hi a chuang a. Lung sakhat kerkuak, ft. 8 bial vela zau, a chung ft. 6’30” emaw a sáng (ka teh lo), Isua zâlna lam chu hmuh theihin, thir palin an ping dang a. Kan Lalpa zâlna hmun ka han lût ve thei mai chu mak ka ti a, ka lawm a, ka lung a chhia a, bang lam hawi zawngte chuan ka tap a. Ka sual tlan tura Kraws lera thi Pathian Fapa ruang an zalhna thlân ruak chhûngah ka lût a, kut ngeia ka han zût kual vel thei ta mai chu ropui ka ti em em a. Khawvel a boral hunah pawh hei hi chu kan Lalpa min tuarsakzia hriatreng nan him taka vana lak chhoh tlak hial niin ka hria. Krista thawhlehzia finfiahna hmuh theiha lo la awm reng mai hian Bible-in Pathian thu a zirtir dang zawng pawh rintlak, zawm tlak leh innghahna tlak a nihzia te, hmu lova ringtu nih hlawkzia min tihngheh sak a ni.
____________________________________________________________________________________
Manna Economy
H. Joseph Lalfakmawia, Visakhapatnam
Manna chu Israel faten Aigupta chhuahsana Kanaan ram an panna kawng, thlalera riltama an vahlaia Pathianin chaw danglam tak a pek a ni (Ex. 16:14ff.). Manna chu Israel faten thlalera an vah chhung, kum sawmli chhung zet an ei a. Chhang/chaw tui tak, hne theih loh a ni ngei ang, chat lak hauh lova a thlawn liau liauva kum sawmli chhung teh meuh an dawn kha a ni. Manna chungchângah khan zir chhuah tur tam tak a inphum teuh mai a. Chung zinga tlem te chu la chhuakin zirho kan tum dawn nia.
Zing lam hna a ni
Manna chu ni a lo tlangsan vel leh a tuiral vek thin a (Ex. 16:21). Zingah, ni chhuah hmain an chhar khawm thin tih kan hmu. Dai tlakin manna chu a tla tel ve tih a lang bawk. Manna chang tur chuan thawh hma a ngai tihna a ni. He chaw danglam tak mai hian mut rei a remti lo, te pawh kan ti thei ang chu. Tunlai meng rei leh mu rei generation leh Manna Economy hi a inmil lo a ni. Manna hi Pathianin a mite tana malsawmna danglam tak a pek a ni a. Chu thilpek ropui tak chu eng tik hunah pawh hmuh mai theihin a awm reng lem lo va, zing takah hmuh theihin a awm a ni. Malsawmna kan dawng kan tih hian kan duh duhna hmun leh huna tawn chawt chawt reng tum ngawt tur pawh niin a lang lo va; malsawmtu thuah a innghat a. Dik leh tha taka ni (day) bul kan tan a duh a ni ngei ang. Pathian hian tho hma turin min lo duh reng pawh a ni thei ang chu.
A taka thawh a ngai
Manna hian an puan in chhungah a rawn tlak chilh lo va; pawna chhuakin an chhar khawm thin a ni. Chu chu zawm thaw taka mut hmuna sâm chhuah chi a ni lo va, tha thawh ve a ngai a ni. Chhura “Seki buh chhuak” ideology hi hla taka kan tlansan a tul ang. “Hreipui khuai tu thei” leh “tuthlawh hlo thlo thei” hi work ethics kalphung dik tak zawk chu a ni a. Thawk tam lova neih tam kan duhna hian rilru hrisel lo a hring chhuak a. Zir tam lova tha taka exam-naa pass kan tumna nen hian a thuhmun reng a ni. Mahse he economy hi chuan tha thawh, insenso a phût tlat a ni. A taka thawh chhuah hi anchhia ni mai awma ngaihna hi ngaihdan atthlâk tak a ni bawk. Mi pangngai/vantlang chung lam chu thu veng venga, mi hnuaihnung chauhvin kut hna an thawk tura ngaihna hi hmanlai sal leh a pute inkar ngaihdan chawi váwn hunlai thil chauh kha a ni. Lehkhathiamten a lo berah khawi office emawah chauh an thawk tura inngaihna an neih a, rim taka hna thawh hi dinhmun hnuai hnungte chan tawk leka ngaihna an nei a nih chuan hei pawh hi Manna economy thil tum thelh duai a ni bawk.
Manna chu mi tin daih a ni
Manna kha mi tin kham khawp a tling (Ex. 16:16 - 'Mi tinin mahni kham khawp theuh chhar ulangin...in chhûngkaw mihring awm zât ang zêlin in chhar tûr a ni...," a ti a). Pathianin ei tur min pek hi mi tin tan a tam tawk a, mi tin tan a ni bawk. Duham leh huamhauh avanga mahni chanvo mai ni lo, midang chanvo pawh chhuhsak duhna thinlung hi Pathian duh lohzawng tak a ni. Manna chu mahni kham khawp theuh chauh chhar tur a ni. Kan duhâmna thinlung hian midangte chan ai pawh laksak duhna min pe fo va. Kan rama eizawnna te, ei leh bar thil te, ram thar chhuah te leh engkim mai hi ram faten an mamawh an neih theuh theih nana mi tin daiha pek chhuah hi Pathian thil tum a ni a. Chumi thawhpuitu emaw, a daltu emaw kan ni thei a. Pathian thil tum daltu nih chu tha lo tak a ni. Pathian kan thawhpui mai hian thil dik kan ti a. A bîk takin he thilah ngat phei hi chuan ram fate tana that tlan vekna a nih avangin he Manna economy hi kan zir chian a tha khawp ang.
Intawm dial dial tur a ni
Manna an inchan sem dan hi ropui tak a ni. A chhar tam chuan a chuangin a nei lo va, a chhar tlêm chuan a tlachham hek lo; mi tinin mahni kham tawk theuh chu an chhar theuh va (Ex. 16:18). Tharuma an innek chêp thu kan hmu lo va. A chak leh a thei falin an khawl chiam hek lo. Chutih laiin a chak lo zawkten an tlachham bawk hek lo. A chakin a chak lo an pui a, a chak lo zawkten a chak zawkte zar an zo zel thung. Hei hi tun hma Mizo inthenawm khawvênna boruak nuam tak thin ang kha a ni. Bai an insuah tawnin thlai tharte an inthartem thin a nih kha. Manna economy hi kan pi leh pute/nu leh pate chuan an lo kalpui thui hle thin zawk a lo ni. “Sem sem dam dam, ei bil thi thi” tih kha “sem sem tam tam, ei bil puar puar,” tih thu dik chanvein a luahlan zo ti tih tawh a. Manna Thuthlung chu kan hlatsan tial tial a ni.
Tunah chuan mahniin chang thei chiah lo mah ila mi dang chan atan chuan kan phal meuh ta lo fo mai. tapte tahpui chu a har vak lo va; lawmte lawmpui chu thil har tak a ni ta! Chhungkaw pakhatah member puitling 6 awm ta se; sawrkar hna post 6 ruak ta bawk se la. Chu post 6 chu chhungkaw 6-in insem tlana khawtlang tana that tlanna ai chuan chhungkaw thil tithei taka member puitling 6 awmte khan an chhungkaw hna atan an hauh phiar duh tawh a ni. A theiin a thei lo kan nek chêp zo tawh a. A chak lo chuan chak loh zual zel bak hmabak a ngah vak tawh lo. Hmingchhiatna chu intawmpui laih laih kan duh a; a bîk takin min hmingchhiatpui se kan duh. Mi hmingchhiatpui erawh kan duh lem lo. Hamthatna a lo thlenin kan pumhmawm hma loh chuan thahnemngai takin tan kan la reng peih bawk. Ram leh khawtlang dinmuna inthlauhna sang lutuk hi engti ziaa pawi ti der lo nge maw kan nih le?
Tunah chuan mahniin chang thei chiah lo mah ila mi dang chan atan chuan kan phal meuh ta lo fo mai. tapte tahpui chu a har vak lo va; lawmte lawmpui chu thil har tak a ni ta! Chhungkaw pakhatah member puitling 6 awm ta se; sawrkar hna post 6 ruak ta bawk se la. Chu post 6 chu chhungkaw 6-in insem tlana khawtlang tana that tlanna ai chuan chhungkaw thil tithei taka member puitling 6 awmte khan an chhungkaw hna atan an hauh phiar duh tawh a ni. A theiin a thei lo kan nek chêp zo tawh a. A chak lo chuan chak loh zual zel bak hmabak a ngah vak tawh lo. Hmingchhiatna chu intawmpui laih laih kan duh a; a bîk takin min hmingchhiatpui se kan duh. Mi hmingchhiatpui erawh kan duh lem lo. Hamthatna a lo thlenin kan pumhmawm hma loh chuan thahnemngai takin tan kan la reng peih bawk. Ram leh khawtlang dinmuna inthlauhna sang lutuk hi engti ziaa pawi ti der lo nge maw kan nih le?
Khawl khawm ziarâng
Israel faten manna an chhar khan an khawl khawm thur thur tur a ni lo (Ex. 16:19 - Tin, Mosian an hnênah, "Tumahin atûk lam atân chuan khêk suh ang che u," a ti a). Kan hmuh chhuah ang ang kan ei zawh duak duak chuan mi vir kan ni a, inrelbawldan (management) thiam lo tak kan ni a. Mahse kan khêk reuh reuh va, kan khawl khawm tun tun chuan mi kawm leh duhâm leh pamham kan ni thei bawk si!!
2010-11 record atanga a landan chuan India ramah hian mi pakhatin kum khat chhungin cheng 54,835 zel a thawk chhuak ang a ni a. Chu chu thla khata Rs. 4569.58 ang zel a ni a, ni tin Rs. 152.00 hlawh zel ang a ni. Amaherawhchu hei hi mi hausate thawh chhuah tam tak zara heti zat thleng pha hi a ni ngei ang. Hetih lai hian Mizoramah chuan mi pakhatin kum khat chhungin cheng 50,021.00 zel a thawk chhuak anga chhut a ni thung a (The Indian Express: Aizawl, Tue Mar 29 2011, 14:57 hrs). India ram pumpui per capita income aiin a hniam zawk a nih chu.
September 2011 ah khan Planning Commission chuan Supreme Court-ah India rama BPL chhungkua vaibelchhe 40.74 zet an awm thu a report a. Khawpui chhunga BPL member te hian thla khat chhungin Rs. 965.00 zel an thawk chhuak ang a ni a, chu chu ni khata Rs. 32.00 ang zel a ni bawk. Thingtlang lamah chuan thla khat chhungin Rs. 781.00 thawk chhuak ang an ni a, chu chu ni khata Rs. 26.00 zel ang a ni. (http://newsdawn.blogspot.in/2012/04/poverty-lines-and-bpl-population-state.html accessed on 4th July, 2012, 12:05 pm).
India ram mi hausa tawntaw Mukesh Ambani chuan US Dollar billion 22.6 a nei a, Lakshmi Mittal pawhin USD billion 19.2 teh meuh a khawl khawm tun tawh a nih chu (Forbes, 2011). Anni hian a chunga kan sawi BPL chhungkua, thla khata Rs. 781.00 thawk chhuak ve beuh beuhte hi han tanpui duak duak mai sela chuan an ziaawm ve thuai mahna! Mahse heng mi hausa tawntawte hian duh tawk an nei miah lo va; kum tin sum peipun tumin mahni unaute pawh an kherh ngar ngar mai a ni. Duhâmin chin tawk a nei tawh lo va, inpeizawn thu hla pawh thu tha naran, a taka awmze nei lo mai a ni tawh bawk. Rethei leh hausa inthlauhna hi a sang hle a ni.
Manna economy huang chhungah hleihluak taka khawl khawm tun duhna hi thinlung hrisel lo tak a ni a, sulrul leh tuiek ei chhiat mai tura khawl khawm a ni. Manna chu khawl lo tura tih an ni chung khan lo khawl lui hram an awm a, mahse a lung a, a lo rimchhe ta mai a (Ex. 16:20). Kan lei ro khawl khawmte hian kan dam chhung bak a daih tak tak chuang lo va. Kan dam chhunga mi dang tana malsawmna kan nih tluka ro hlu a awm si lo. Midang tana daih lo kan khawl khawm hian mi dang tana malsawmna kan nihna tur a dal tlat a, Manna economy dan kalh tlat a ni.
2010-11 record atanga a landan chuan India ramah hian mi pakhatin kum khat chhungin cheng 54,835 zel a thawk chhuak ang a ni a. Chu chu thla khata Rs. 4569.58 ang zel a ni a, ni tin Rs. 152.00 hlawh zel ang a ni. Amaherawhchu hei hi mi hausate thawh chhuah tam tak zara heti zat thleng pha hi a ni ngei ang. Hetih lai hian Mizoramah chuan mi pakhatin kum khat chhungin cheng 50,021.00 zel a thawk chhuak anga chhut a ni thung a (The Indian Express: Aizawl, Tue Mar 29 2011, 14:57 hrs). India ram pumpui per capita income aiin a hniam zawk a nih chu.
September 2011 ah khan Planning Commission chuan Supreme Court-ah India rama BPL chhungkua vaibelchhe 40.74 zet an awm thu a report a. Khawpui chhunga BPL member te hian thla khat chhungin Rs. 965.00 zel an thawk chhuak ang a ni a, chu chu ni khata Rs. 32.00 ang zel a ni bawk. Thingtlang lamah chuan thla khat chhungin Rs. 781.00 thawk chhuak ang an ni a, chu chu ni khata Rs. 26.00 zel ang a ni. (http://newsdawn.blogspot.in/2012/04/poverty-lines-and-bpl-population-state.html accessed on 4th July, 2012, 12:05 pm).
India ram mi hausa tawntaw Mukesh Ambani chuan US Dollar billion 22.6 a nei a, Lakshmi Mittal pawhin USD billion 19.2 teh meuh a khawl khawm tun tawh a nih chu (Forbes, 2011). Anni hian a chunga kan sawi BPL chhungkua, thla khata Rs. 781.00 thawk chhuak ve beuh beuhte hi han tanpui duak duak mai sela chuan an ziaawm ve thuai mahna! Mahse heng mi hausa tawntawte hian duh tawk an nei miah lo va; kum tin sum peipun tumin mahni unaute pawh an kherh ngar ngar mai a ni. Duhâmin chin tawk a nei tawh lo va, inpeizawn thu hla pawh thu tha naran, a taka awmze nei lo mai a ni tawh bawk. Rethei leh hausa inthlauhna hi a sang hle a ni.
Manna economy huang chhungah hleihluak taka khawl khawm tun duhna hi thinlung hrisel lo tak a ni a, sulrul leh tuiek ei chhiat mai tura khawl khawm a ni. Manna chu khawl lo tura tih an ni chung khan lo khawl lui hram an awm a, mahse a lung a, a lo rimchhe ta mai a (Ex. 16:20). Kan lei ro khawl khawmte hian kan dam chhung bak a daih tak tak chuang lo va. Kan dam chhunga mi dang tana malsawmna kan nih tluka ro hlu a awm si lo. Midang tana daih lo kan khawl khawm hian mi dang tana malsawmna kan nihna tur a dal tlat a, Manna economy dan kalh tlat a ni.
A daih rei bawk
Israel fate chuan mihring chênna ram an thlen hma loh chuan kum sawm li chhung chu manna an ei thîn a; Kanaan ramri dep an thlen hma loh chuan manna an ei thin (Ex. 16:35). Mi kan pek hian a riral emaw tih a awl hle a. Insengsô lo chuan rah a chhuah theih der bawk si loh. tawngkam maia thatna hian awmzia a nei lo va. Kan tha leh zung, sum leh pai, in hmun lo ramin a tawrh a tul thin a ni. Pek hi channa niin a lang thin a. Mahse hei hi Pathian zia kan chhut sual vang a ni thei ang.
Manna chu Sabbath dawn nî tih lohvah chuan khawl khawm tur a ni lo va, a theih pawh a theih hek loh. tum khatah ni khat tla an chhar khawm keuh keuh a ni. Duhthawh tan leh thahnemngai fal tan chuan thla a phang ngei ang. A tukah a rawn tla lo khauh a nih vaih chuan an nghei a ni nghal mai dawn a, dâwn thui tan chuan invenna a awm hauh lo tihna a ni. Amaherawhchu an rin a ang lo; thlasik anga khêl lovin tuk tin a rawn tla ta ziah a. An mamawh chhung zawng, kum sawmli teh meuh thlaphang hauh lovin tuk tin an dawng ta ziah zawk a ni.
Mihring ngaih chuan pêk chu chânna a ni a, sem sem tam tam, ei bil puar puar a ni bawk. Hma lam hun ngaihtuahna hian min tizamin khawl khawm lo thei lovah leh pe chhuak thei dinhmuna ding lo nia inhriatnaah min hruai lut a. Mi hausa pawhin ngah tawk an inti thei lo.
Mahse a tak takah chuan chânna a ni lo va; zar inzo tawnna, semtu chu dawngtu dinhmuna din theihna, hloh anga lang chu ni khaw rei hnua hlêp, a ral mai dawn emaw tih chu hnung lama sa barh ang maiin engtik lai pawhin a rawn let thei a ni. Chhungkua mai ni lovin khawtlang a chawi chhuak zawk a. Retheite tana insen ngamna chuan ro chhe thei lo a khawlkhawmtîr hlauh zawk thin a ni. He economy hian dam chhung chauh a daih lo va, tu leh fate thlengin hming thatnain a hmuak zel a, mi hmangaihna dawngtu an ni reng bawk ang. Petute chu an thlahte thlengin malsawmnain a umzui zel bawk ang.
Manna chu Sabbath dawn nî tih lohvah chuan khawl khawm tur a ni lo va, a theih pawh a theih hek loh. tum khatah ni khat tla an chhar khawm keuh keuh a ni. Duhthawh tan leh thahnemngai fal tan chuan thla a phang ngei ang. A tukah a rawn tla lo khauh a nih vaih chuan an nghei a ni nghal mai dawn a, dâwn thui tan chuan invenna a awm hauh lo tihna a ni. Amaherawhchu an rin a ang lo; thlasik anga khêl lovin tuk tin a rawn tla ta ziah a. An mamawh chhung zawng, kum sawmli teh meuh thlaphang hauh lovin tuk tin an dawng ta ziah zawk a ni.
Mihring ngaih chuan pêk chu chânna a ni a, sem sem tam tam, ei bil puar puar a ni bawk. Hma lam hun ngaihtuahna hian min tizamin khawl khawm lo thei lovah leh pe chhuak thei dinhmuna ding lo nia inhriatnaah min hruai lut a. Mi hausa pawhin ngah tawk an inti thei lo.
Mahse a tak takah chuan chânna a ni lo va; zar inzo tawnna, semtu chu dawngtu dinhmuna din theihna, hloh anga lang chu ni khaw rei hnua hlêp, a ral mai dawn emaw tih chu hnung lama sa barh ang maiin engtik lai pawhin a rawn let thei a ni. Chhungkua mai ni lovin khawtlang a chawi chhuak zawk a. Retheite tana insen ngamna chuan ro chhe thei lo a khawlkhawmtîr hlauh zawk thin a ni. He economy hian dam chhung chauh a daih lo va, tu leh fate thlengin hming thatnain a hmuak zel a, mi hmangaihna dawngtu an ni reng bawk ang. Petute chu an thlahte thlengin malsawmnain a umzui zel bawk ang.
No comments:
Post a Comment